Pages

Thursday, June 20, 2013

ജനങ്ങള്‍ക് ഡങ്കിപ്പനി; അധികാരികള്‍ക്ക് സരിതപ്പനി!

സത്യത്തില്‍ ഇന്ന് കേരളത്തിന്റെ പ്രധാന പ്രശ്നം സരിതയും ബിജുവും, ജോപ്പനും, കോപ്പനും 'അങ്കിളും' ഒന്നും അല്ല. പക്ഷെ അതാണ്‌ എന്ന് വരുത്തി തീര്‍ക്കാന്‍ ഭരണ-പ്രതിപക്ഷ ഭേതമന്യേ നമ്മുടെ രാഷ്ട്രീയ കോമരങ്ങള്‍ കിണഞ്ഞു പരിശ്രമിക്കുകയാണ്. അവശ്യ സാധനങ്ങളുടെ വിലക്കൂടുതലും , പകര്‍ച്ചവ്യാധികളും, മഴക്കെടുതിയും, ശുദ്ധമായ കുടിവെള്ളത്തിന്റെ അഭാവവും ഒക്കെയാണ് ഇന്ന് ജനം അനുഭവിക്കുന്ന പ്രധാന പ്രശ്നങ്ങള്‍. കേരളം പനിച്ചു വിറച്ചു മരിച്ചു കൊണ്ടിരിക്കുന്നു. ഒരു ദിവസം ശരാശരി  ഒരു കുടുംബത്തിനു ചെലവ് കഴിയണമെങ്കില്‍ 500-1000  രൂപ ചുരുങ്ങിയത് വേണം എന്ന നിലയില്‍ എത്തി നില്കുന്നു.

പക്ഷെ ഇന്ന് നിയമസഭയിലേക്ക് നോക്കിയാല്‍ ഇത്തരം പ്രശ്നങ്ങള്‍ നമ്മുടെ നാട്ടില്‍ നില നില്കുന്നു എന്ന് ഒരിക്കലും തോന്നില്ല. ഒരു കൂട്ടം തങ്ങളുടെ കസര ഇളകാതിരിക്കാനുള്ള പൊടിക്കൈകള്‍ നോക്കുമ്പോള്‍ മറ്റൊരു കൂട്ടര്‍ എങ്ങനെ അധികാര കസേര കയിലാക്കാം എന്ന ചിന്തയിലാണ്, ഭരണ-പ്രതിപക്ഷ വ്യത്യാസമില്ലാതെ! രാഷ്ട്രീയ പ്രവര്‍ത്തനം ജന നന്മക്കു വേണ്ടി ആകണം. തിരഞ്ഞെടുത്ത ജനതയെ സേവിക്കാനാണ് ജന പ്രതിനിധികള്‍ നിയമ സഭയിലേക്ക് പോയത്. അവിടെയെത്തുമ്പോള്‍ എല്ലാവര്ക്കും പ്രധാനം അധികാര കസേരയുടെ ഉറപ്പും സ്വയം കീശയുടെ കനവുമായി പോകുന്നു. നിയമ നിര്‍മാണ സഭയെ അവര്‍ മീഞ്ചന്ത ആക്കി മാറ്റുന്നു!  എല്ലാം കണ്ടും കേട്ടും ഇരിക്കുന്ന പൊതുജനം ശശി......

മാധ്യമങ്ങള്‍ക്കും ഇഷ്ട്ടം ബ്ലു വാര്‍ത്തകളാണ്. അതിനാണ്ഇപ്പോള്‍ മാര്‍കെറ്റ്. ഒരു മന്ത്രിയുടെ വകുപ്പില ഭരണം എങ്ങനെ പോകുന്നു എന്നതിലപ്പുറം അയാളുടെ കിടപ്പറ രഹസ്യങ്ങളും കാമവേളികളും വാര്‍ത്തയാക്കി ടി അര പി കൂട്ടാനാണ് അവര്‍ക്കും ആവേശം. ഒരാഴ്ചയായി മാധ്യമങ്ങള്‍ക് ചാകരയാണ്. ജനാതിപത്യത്ന്റെ നെടും തൂണാകേണ്ട മാധ്യമങ്ങള്‍ ഇന്ന് എല്ലാം മഞ്ഞ പത്രങ്ങളുടെ നിലവാരത്തിലേക്ക് താഴ്ന്നു പോയോ? രാഷ്ട്രീയക്കാര്‍ക്ക് കൊട്ടേഷന്‍ പണി എടുക്കുകയല്ലേ ഇവര്‍??. ആരെ ഉയര്‍ത്തണം, ആരെ താഴ്ത്തണം എന്ന് തീരുമാനിക്കുന്നത് നമ്മുടെ മാധ്യമ ലോബിയാണ്. ജനങ്ങളുമായി ബന്ധപ്പെട്ട അടിസ്ഥാന വിഷയങ്ങളില്‍ മാധ്യമങ്ങള്‍ക് ശക്തമായി ഇടപെടാനും അധികാരികളുടെ കണ്ണ് തുറപ്പിക്കാനും കഴിയും, പക്ഷെ അവര്‍ അവരുടെ ധര്‍മം നിര്‍വഹിക്കുന്നില്ല! സത്യ സന്ധമായ മാധ്യമ പ്രവര്‍ത്തനം ഇന്ന് ആരോഗ്യത്തിനും നിലനില്പിന്നും ഹാനികരമാണ്, അത് കൊണ്ട് തന്നെ പലപ്പോഴും നോവലിസ്റ്റുകള്‍ സത്യങ്ങളും യഥാര്‍ത്ഥ സംഭവങ്ങളും എഴുതാന്‍ ശ്രമിക്കുന്നു; മാധ്യമങ്ങള്‍ കാല്‍പനിക കഥകളും!?

സരിതാ നായരുമായി ബന്ധപ്പെട്ടു കേള്കുന്നത് അധികാര വര്‍ഗ്ഗവും- രാഷ്ട്രീയക്കാരും- ഉദ്യോഗസ്ഥ വൃന്ദവും എല്ലാം അടങ്ങിയ ഒരു നാറിയ അഴിമതി കഥയാണ്‌. സ്ത്രീയുടെ മേനി അഴകും വാക്ക് ചാരുതയും മുതലെടുത്ത്‌ ബിസിനസ്‌ വികസിപ്പിക്കുന്ന ഒരു കൂട്ടര്‍, ഓരോ ഉന്നതരുടെയും ഇഷ്ട്ടാനിഷ്ട്ടങ്ങള്‍ മനസ്സിലാക്കി അവര്ക് വേണ്ടത് നല്‍കിയും പിന്നെ ബ്ലാക്ക്മൈല്‍ ചെയ്തും ഭീഷണിപ്പെടുത്തിയും ഒക്കെ നേടിയെടുക്കുന്ന ബിസിനസ്‌ താല്പര്യങ്ങള്‍! പലപ്പോഴും ഇത്തരം സ്ത്രീകള്‍ തന്നെയാണ് സ്ത്രീ സമൂഹത്തിനു അപമാനം. സ്ത്രീ സ്വാതന്ത്ര്യത്തിനും അവരുടെ പൊതു പ്രവേശനത്തിനും സമത്വത്തിനും വാദിക്കുന്ന കപട സദാചാര വാദികള്‍ ഇതിനൊക്കെ തന്നെയാണ് സ്ത്രീയെ ഉപയോഗിക്കുന്നത്. സ്ത്രീ സ്വാതന്ത്ര്യം സിന്ദാബാദ്!


അഞ്ചു കൊല്ലം കൂടുമ്പോള്‍ ഇടതും വലതും മാറ്റി പരീക്ഷിക്കുന്ന മലയാളിയുടെ പതിവ് രീതിയാണ് രാഷ്ട്രീയ കോമരങ്ങളെ, പൊതുജനത്തെ വിഡ്ഢിയാക്കി ഇത്തരം സരിതാ-നാടകങ്ങള്‍ കളിക്കാന്‍ പ്രരിപ്പിക്കുന്നത്. ഒരു പ്രത്യേകം രാഷ്ട്രീയ പാര്ടിയോടുള്ള വിധേയത്വം കാരണം ഓരോരുത്തരും, പാര്‍ടി വെച്ച് നീട്ടുന്ന ജോര്‍ജുമാരെ എല്ലാം വോട്ട് ചെയ്തു  നിയമസഭയില്ലേക്ക് അയക്കുന്നു. ഈ രീതിയില്‍ മാറ്റം വരണം. കക്ഷി രാഷ്ട്രീയ ഭേതമന്യേ വിദ്യാഭ്യാസമുള്ളവരും സന്ത്യസന്ധമായ രാഷ്ട്രീയ പ്രവര്‍ത്തനം  കാഴ്ചവെച്ചവരുമായ ജന സേവകരെ നിയമസഭയിലേക്ക് അയക്കാന്‍ നാം തയ്യാറാകണം.  അറബിയില്‍ ഒരു ചൊല്ലുണ്ട്: "ഒരു ജനത എങ്ങനെയാണോ, അങ്ങിനെ തന്നെ ആയിരിക്കും അവര്‍ക്ക് കിട്ടുന്ന ഭരണാധികാരികള്‍" എന്ന്. ഇപ്പോള്‍ അതല്ലേ സംഭവിക്കുന്നത്‌? കഴുതകളായ നാം പൊതു ജനത്തിന്  കഴുതകളായ കുറെ ഭരണാധികാരികള്‍!!?

Tuesday, June 11, 2013

പെണ്‍കുട്ടികളുടെ ചേലാകര്‍മം (Circumcision); നിങ്ങള്ക്ക് അറിയേണ്ടതെല്ലാം!


ഇന്ന് ടിവി തുറന്നപ്പോള്‍ ഒരു പ്രധാന വാര്‍ത്ത, ഈജിപ്തില്‍ സുന്നത്ത് കല്ല്യാണം നടത്തിയതിനെ തുടര്‍ന്ന് വിദ്യാര്‍ത്ഥിനി മരിച്ചു. അപ്പോള്‍ പലര്‍ക്കും സംശയം പടച്ചോനെ പെണ്‍കുട്ടികള്‍ക്കും സുന്നത്ത് കഴിക്കലോ? അതെന്താ സംഭവം?? ഈ വിഷയത്തെ കുറിച്ച് ശാസ്ത്രീയമായി ചുരുക്കത്തില്‍ ഒന്ന് വിവരിക്കാന്‍ ശ്രമിക്കാം.

ലോക ആരോഗ്യ സംഘടന (WHO) ഇതിനു Female Genital Mutilation  'സ്ത്രീ ലൈംഗിക അവയവ ഘടനയില്‍ മാറ്റം വരുത്തല്‍'  എന്നാണു പേരിട്ടിരിക്കുന്നത്. പെണ്‍ ചേലാകര്‍മം, മുറിക്കല്‍ തുടങ്ങിയ നാടന്‍ പേരുകളും ഉണ്ട്. " ആരോഗ്യകരമായ കാരനങ്ങല്ക് അല്ലാതെ, ഭാഗികമായോ പൂര്‍ണമായോ സ്ത്രീ ലൈംഗിക അവയവങ്ങള്‍ മുറിച്ചു മാറ്റുക അല്ലെങ്കില്‍ മുറിവേല്‍പ്പിക്കുക" എന്നാണ് WHO ഇതിനെ നിര്‍വചിച്ചിട്ടുള്ളത്. 2013 ലെ കണക്കനുസരിച്ച് ലോകത്ത് ചേലാകര്‍മതിനു ഇരയായ 14 കോടിയില്‍ അതികം പെണ്ണ്ങ്ങള്‍ ഉണ്ട്. ഇതില്‍ പത്തു കോടിയും ആഫ്രിക്കന്‍ രാജ്യങ്ങളില്‍ നിന്നുള്ളവരാണ്. ലോകത്ത് സുഡാന്‍, സൊമാലിയ, എത്യോപിയ, ഈജിപ്റ്റ്‌, പശ്ചിമേഷ്യ തുടങ്ങി 28 ഓളം രാജ്യങ്ങളില്‍ ഈ ദുരാചാരം നിലവിലുണ്ട്.

എന്താണ് സംഭവം?

പുറത്തു കാണുന്ന സ്ത്രീ ലൈംഗിക അവയവങ്ങള്‍ പൂര്‍ണ്ണമായോ ഭാഗികമായോ മുറിച്ചു മാറ്റുന്നതാണ് പ്രക്രിയ. ഇതില്‍ മൂന്നു വിഭാഗം ഉണ്ട്:

ഒന്ന്: Clitoris (പുരുഷന്മാരുടെ ലിംഗത്തിനോട് സാദൃശ്യമുള്ള സ്ത്രീകളുടെ ലൈംഗിക അവയവം) മാത്രം മുറിച്ചു മാറ്റല്‍ (പെണ്ണിന്റെ വികാരം കുറക്കാന്‍ വേണ്ടി; അത് വെറും തെറ്റായ ധാരണയാണ്)

രണ്ടു: Clitoris നൊപ്പം ഗുഹ്യഭാഗത്തെ ഉള്ളിലെ തൊലിയും മുറിച്ചു കളയല്‍.
  
മൂന്നു: Clitoris നും  ഗുഹ്യഭാഗത്തെ ഉള്ളിലെയും പുറത്തെയും ചര്മംഎടുത്തു കളയുകയും രണ്ടു വശത്തെ തൊലികള്‍ തമ്മില്‍ കൂട്ടി തുന്നുകയും ചെയ്യുന്നു.മൂത്രമൊഴിക്കാനും മാസമുറ രക്തം പോകാനും മാത്രം ചെറിയ ഒരു ദ്വാരം ബാകി വെക്കും (തീപ്പെട്ടി കൊള്ളിയുടെയോ ചെറിയ മരചില്ലയുടെയോ വലിപ്പത്തില്‍). ഇത് പിന്നീട് കല്യാണം കഴിഞ്ഞ അന്ന് രാത്രി മാത്രമേ തുറക്കൂ......
വിവിധ തരം പെണ്‍  ചേലാകര്‍മ രീതികള്‍

എന്തിനീ ക്രൂരത?

ഈജിപ്തിലും സുഡാനിലും ഒക്കെ ഇതിനു പേര് 'തുഹൂര്‍' അഥവാ 'ശുദ്ധീകരിക്കല്‍'  എന്നാണു. എന്നുവച്ചാല്‍ വൃത്തിയില്ലാത്ത സ്ത്രീയുടെ ലൈംഗിക അവയവങ്ങള്‍ മുറിച്ചു മാറ്റി മൊത്തം ഒരു വൃത്തിയാക്കല്‍! (ആപ്പോള്‍ പുരുഷന്റെ ഇതിലും വൃത്തിയില്ലാത്ത എന്തൊക്കെ മുറിച്ചു മാറ്റണം എന്നാണ് ലേഖകന്റെ മറു ചോദ്യം; പക്ഷെ ലോകം പുരുഷ മേധാവിത്വത്തില്‍ ആണല്ലോ?) 
മറ്റൊന്ന് സ്ത്രീ ചാരിത്ര്യം കാത്തു സൂക്ഷിക്കാന്‍ ആണെന്നാണ്‌ പറയുന്നത്. വളര്‍ന്നു വരുന്ന പെണ്‍കുട്ടിയുടെ ലൈംഗിക അവയവങ്ങള്‍ മുറിച്ചു വൃത്തിയാക്കി തുന്നി പൂട്ടി വെക്കുന്നു. അതോടൊപ്പം അവളില്‍ ലൈംഗിക വികാരം ഉണര്‍ത്തുന്നു എന്ന് കരുതുന്ന ക്ളിടോരിസ് മുറിച്ചു മാറ്റുകയും ചെയ്യുന്നതോടെ വിവാഹത്തിന് മുന്‍പുള്ള ബന്ധങ്ങള്‍, സ്വയം ഭോഗം തുടങ്ങിയ കാര്യങ്ങളില്‍ നിന്നും അവര്‍ സുരക്ഷിതരാണ്‌ എന്ന ചിന്താഗതിയാണ് അവരെ ഇതിനു പ്രേരിപ്പിക്കുന്നത്. പിന്നീട് വിവാഹ ദിവസം വരന്‍ ഇടപെട്ടാണ് തുന്നി വെച്ച 'ദൂക്കാന്‍' തുറക്കുന്നത്. (ഞാന്‍ പൂനയില്‍ പ്രാക്ടിസ് ചെയ്യുമ്പോള്‍ എന്നെ സമീപിച്ച ഒരു വിദേശി വനിതയെ എനിക്ക് ഓര്മ വരുന്നു. അവള്‍ക് പഠനത്തിനു ഇടയില്‍ തുറന്നു പോയ ആപീസ്, തിരിച്ചു നാട്ടിലേക്ക് പോകുന്നതിനു മുന്‍പ് നിര്‍ബന്ധമായും അടക്കണം പോലും!? വിവാഹത്തിന് തയാറെടുക്കുകയാണ് എന്നും വരന്‍ കണ്ടു പിടിക്കാതിരിക്കാന്‍ എന്തെങ്കിലും ചെയ്യണമെന്നും ഒക്കെയാണ് അപേക്ഷ! കക്കാന്‍ വിചാരിച്ചാല്‍ വഴികള്‍ എന്തൊക്കെ!!?)
പ്രസവ സമയത്ത് ഇത് വീണ്ടും ഒന്ന് കൂടി കീറി മുറിക്കേണ്ടി വരും. അപ്പോള്‍ ജീവിതത്തില്‍ കുറഞ്ഞ പക്ഷം മൂന്നു തവണ ഈ സ്ത്രീ ഇതിന്റെ വേദന അനുഭവിക്കണം.

പല ഗോത്ര സമൂഹങ്ങളും അവരുടെ ഒരു അഭിമാനമായും തിരിച്ചറിവിനുള്ള ഉപാധിയായും ഇത്തരം  കൃത്യങ്ങള്‍ കൊണ്ടാടുന്നു. മാതാ പിതാക്കള്‍ മുന്കയ്യെടുതാണ് കര്‍മ്മം ചെയ്യിപ്പിക്കന്നത്. ഭാവിയില്‍ കൂടുതല്‍ കുട്ടികള്‍ ഉണ്ടാകാനും കുട്ടിയുടെ ദീര്‍ഘായുസ്സിനും ചേലാകര്‍മ്മം നല്ലതാണെന്ന തെറ്റായ വിശ്വാസവും ഇത്തരം സ്ത്രീകളില്‍ ഉണ്ട്!
മുസ്ലിം, കൃസ്ത്യന്‍, ജൂധ മതങ്ങളില്‍ പെട്ട പലരും സ്ത്രീ ചേലാകര്‍മം ചെയ്യാറുണ്ടെങ്കിലും മുകളില്‍ വിവരിച്ച രീതിയില്‍ ഉള്ള കര്‍മങ്ങള്‍ ഒരു മതത്തിന്റെയും വിശ്വാസത്തിന്റെയും ആചാരത്തിന്റെയും ഭാഗമല്ല എന്നാണ് ഗവേഷണ റിപ്പോര്‍ട്ടുകള്‍ കാണിക്കുന്നത്! പുരുഷ ചേലാകര്‍മം  മതപരമായും ശാസ്ത്രീയമായും സ്ഥിരീകരിക്കപ്പെട്ടിട്ടുള്ളതാണ്.

ചെയ്യുന്ന രീതി:

പണമുണ്ടെങ്കില്‍ ആശുപത്രിയില്‍ പോയി വേദന കൂടാതെ കാര്യം സാധിക്കാം. നാട്ടിന്‍പുറങ്ങളില്‍ കത്തിയോ ബ്ലെടോ ഉളിയോ ഒക്കെ ഉപയോഗിച്ചാണ് ചെത്തിമാറ്റല്‍ കര്‍മം നടത്തുന്നത്.  മുറിച്ചതിനു ശേഷം ഒരു ചെറിയ മരച്ചില്ല തിരുകി ബാക്കിയുള്ള ഭാഗം തുന്നുകയോ അല്ലെങ്കില്‍ രണ്ടു കാലുകള്‍ 2-6 വരെ ആഴ്ചകള്‍ കൂട്ടി കെട്ടി വെക്കും മുറി ഉണങ്ങാന്‍. ഇപ്പോള്‍ എല്ലാം വൃത്തിയായി!..എല്ലാം സുരക്ഷിതം!?

ആരോഗ്യ പ്രശ്നങ്ങള്‍:

രക്ത സ്രാവം, അണുബാധ, എയിഡ്സ്, മഞ്ഞപിത്തം, റ്റെട്ടാനസ് തുടങ്ങിയവയാണ് വൃത്തിഹീനമായ സാഹചര്യത്തില്‍ ചെയ്യുന്നത് കൊണ്ടുള്ള ദൂശ്യ ഫലങ്ങള്‍. 

ഭാവിയില്‍ ലൈംഗിക ബന്ധത്തില്‍ ഏര്‍പ്പെടുമ്പോള്‍ ശക്തമായ വേദന, കുട്ടികള്‍ ഉണ്ടാവാതിരിക്കുക, ഗുഹ്യ ഭാഗ മുഴകള്‍, മൂത്രം പോകാതിരിക്കല്‍, ഗര്‍ഭ കാലത്തും പ്രസവ സമയത്തും ഉള്ള ബുദ്ധിമുട്ടുകള്‍ തുടങ്ങിയ പ്രശ്നങ്ങള്‍ ഈ സ്ത്രീകള്‍ അനുഭവിക്കേണ്ടി വരുന്നു.

(ഒരു തരം ലൈംഗിക അരക്ഷിത ബോധമല്ലേ ഇതിന്റെയെല്ലാം അടിസ്ഥാന കാരണം? പിന്നെ വിദ്യാഭ്യാസം ഇല്ലായ്മയും??)

അവലംബം: http://www.who.int/mediacentre/factsheets/fs241/en/

Sunday, June 9, 2013

മഴക്കാലം വന്നു: പകര്‍ച്ചവ്യാധികളെ കരുതിയിരിക്കുക!

മഴ ദൈവത്തിന്റെ അനുഗ്രഹമാണ്. ജീവജാലങ്ങളുടെ നിലനില്പിന്നു വളരെ അത്യാവശ്യവും. മഴയത്ത്  ഒന്ന് നനഞ്ഞു കുളിരാന്‍ ഇഷ്ട്ടപ്പെടാത്തവര്‍ ഉണ്ടാവില്ല. അതോടൊപ്പം മഴക്കാലം ഉയര്‍ത്തുന്ന ചില ഭീഷണികളും ഉണ്ട്. അതില്‍ പ്രധാനപ്പെട്ടത് പകര്‍ച്ചവ്യാധികള്‍ ആണ്. നമ്മുടെ നാട്ടില്‍ പരക്കെ പടരുന്ന ചില പകര്‍ച്ച വ്യാധികളെ കുറിച്ചും അവയെ പ്രതിരോധിക്കേണ്ട വിധവും ഇവിടെ ചുരുക്കത്തില്‍ വിവരിക്കാം:

മഞ്ഞപിത്തം:

ഇന്ന് നമ്മുടെ നാട്ടില്‍ പടര്‍ന്നു പിടിക്കുന്ന മഞ്ഞപിത്തം പ്രധാനമായും Hepatitis-A ഇനത്തില്‍ പെട്ട വൈറസ്‌ അണുബാധയാണ്. മലിനമായ ഭക്ഷണ പധാര്ത്തങ്ങളിലൂടെയും വെള്ളത്തിലൂടെയുമാണ് ഇത് പകരുന്നത്. മൂത്രത്തില്‍ മഞ്ഞ, ക്ഷീണം, വിശപ്പില്ലായ്മ, ചര്ധി, വയറു വേദന തുടങ്ങിയവയാണ് ലക്ഷണങ്ങള്‍. സമയത്ത് ചികില്സിക്കാതിരുന്നാല്‍ മരണം വരെ സംഭവിക്കാവുന്നതാണ്. അസുഖം ഉണ്ടെന്നറിഞ്ഞാല്‍ സമ്പൂര്‍ണ്ണ വിശ്രമം, ലളിതമായ ഭക്ഷണ പാനീയങ്ങള്‍ തുടങ്ങിയവയാണ് ചികിത്സ. പൊതുവേ ചികിത്സിച്ചു പൂര്‍ണമായും ഭേതമാക്കാവുന്ന അസുഖമാണ്.

അസുഖം വന്നാല്‍ അടിയന്തിരമായി ഡോക്റ്ററെ കണ്ടു ബ്ലഡ്‌ ചെക്ക് അപ്പ്‌ ചെയ്യണം. സ്വയം/വ്യാജ ചികിത്സകള്‍ ചെയ്തു സമയം കളയരുത്!

Hepatitis B and C ഇനത്തില്‍ പെട്ട അണുബാധ, സുരക്ഷിതമല്ലാത്ത ലൈംഗിക ബന്ധങ്ങള്‍, മയക്കു മരുന്ന് കുത്തി വെക്കല്‍, ബ്ലഡ്‌ Transfusion തുടങ്ങിയവാണ് പകര്‍ച്ചാ കാരണങ്ങള്‍. ഒരിക്കല്‍ വന്നാല്‍ പിന്നെ വൈറസ്‌ പൂര്‍ണ്ണമായും ശരീരത്തില്‍ നിന്നും പോകാന്‍ ബുദ്ധിമുട്ട് ആണ്. സമയത്ത്  ചികിത്സയും വിശ്രമവും  നല്‍കിയില്ലെങ്കില്‍ മരണം വരെ സംഭവിച്ചേക്കാം. ഭാവിയില്‍ വിദേശത്ത് തൊഴില്‍ തേടാനുള്ള സാധ്യതകള്‍ വരെ മങ്ങാവുന്ന അണുബാധയാണ് Hepatitis B and C . ലൈംഗിക ബന്ധത്തില്‍ കൂടി പകരും എന്നുള്ളത് കൊണ്ട് ജീവിത പങ്കാളിയിലെക്കും പകരും!

മഞ്ഞ പിത്തം-പ്രതിരോധം:


  • തിളപ്പിച്ച്‌ ആറ്റിയ വെള്ളം മാത്രം കുടിക്കുക
  • തിളപ്പിച്ചതും അല്ലാത്തതുമായ വെള്ളം മിക്സ് ചെയ്തു കുടിക്കരുത്.
  • ഭക്ഷണം പാകം ചെയ്യാന്‍ അടുക്കളയില്‍ കയറും മുന്‍പ് സോപിട്ടു കൈ കഴുകുക
  • ഭക്ഷണം കഴിക്കുന്നതിനു മുന്‍പ് നിര്‍ബന്ധമായും കൈ കഴുകുക
  • ബാത്ത് റൂമില്‍ പോയി വന്നാല്‍ കുട്ടികളും മുതിര്‍ന്നവരും നിര്‍ബന്ദമായും സോപ്പിട്ടു കൈ കഴുകണം
  • പാകം ചെയ്യാത്ത ഇലകളും പച്ചകരികളും കഴിക്കരുത്.
  • കടകളില്‍ നിന്നും ഐസ്ക്രീം, ജ്യൂസ്‌ തുടങ്ങിയവ കഴിക്കാതിരിക്കുക.

 മലേറിയ (മലമ്പനി):
കൊതുകുകള്‍ പരത്തുന്ന അസുഖമാണ് മലേറിയ അഥവാ മലമ്പനി. Plasmodium ഇനത്തില്‍ പെട്ട രോഗാണു ആണ് രോഗ കാരണം. പനി, തലവേദന, തണുത്ത് വിറക്കല്‍, വിശപ്പില്ലായ്മ തുടങ്ങിയവയാണ് രോഗ ലക്ഷണങ്ങള്‍. അസുഖം കണ്ടു പിടിക്കുന്നത്‌ രക്ത പരിശോധനയിലൂടെയാണ്. അസുഖം വന്നാല്‍ ഉടന്‍ ഡോക്റ്ററെ അമീപിച്ചു ചികിത്സ നടത്തിയാല്‍ ഒന്നോ രണ്ടോ ആഴ്ച കൊണ്ട് പൂര്‍ണ്ണമായും ഭേധപ്പെടുന്നതാണ്. സമയത്ത് ചികിത്സ ലഭിച്ചില്ലെങ്കില്‍ തലച്ചോറ്, ശ്വാസകോശം, ലിവര്, സ്പ്ലീന്‍ തുടങ്ങിയവയിലേക്ക് പകരാനും മരണം വരെ സംഭവിക്കാനും സാധ്യത ഉണ്ട്.



ഡങ്കി പനി: 
മലേറിയ (മലമ്പനി) പോലെ തന്നെ കൊതുകുകള്‍ പരത്തുന്ന മറ്റൊരു അസുഖം ആണ് ഡങ്കി പനി. പക്ഷെ വൈറസ്‌ ആണ് ഇവിടെ രോഗ കാരണം. പനി, സന്ധി-പേശി വേദന, തല വേദന, തൊലിയില്‍ രാഷ് (Rashes) തുടങ്ങിയവയാണ് ലക്ഷണങ്ങള്‍. ചിലപ്പോള്‍ രക്തസ്രാവം ഉള്ള ഡങ്കി പനി (dengue hemorrhagic fever) ഉണ്ടാവാറുണ്ട്, അത് രക്ത സമ്മര്‍ദം കുറയാനും മറ്റും കാരണമാകാം. രക്തം പരിശോധിച്ചാണ് അസുഖം സ്ഥിരീകരിക്കുന്നത് (Virus isolation and nucleic acid detection ). വിശ്രമം, പനിക്കു പാരസിടമോള്‍, വേദനക്ക് മരുന്ന്, ധാരാളം വെള്ളം കുടിക്കല്‍ (അല്ലെങ്കില്‍ ഗ്ലുകോസ് കുപ്പി) തുടങ്ങിയവയാണ് സഹായകമായ ചികിത്സ. മലമ്പനിക്ക് ഉചിതമായ നല്ല ചികിത്സ ഉള്ളപ്പോള്‍ ഡങ്കി പനിക്ക് അതില്ല.  മലമ്പനിയെ പോലെ ഇതിനും പ്രതിരോധ കുത്തി വെപ്പ് ഇല്ല.


മലേറിയ/ഡങ്കി പനി- പ്രതിരോധം:
  • പരിസരം വൃത്തിയായി സൂക്ഷിക്കുക
  • വൃത്തി ഹീനമായി കെട്ടിക്കിടക്കുന്ന ജല സ്രോതസുകള്‍ ഇല്ലാതാക്കുക
  • ശരീരം നാന്നായി മറയുന്ന വസ്ത്രം ഉപയോഗിക്കുക (പ്രത്യേകിച്ച് കുട്ടികളില്‍).
  • കൊതുക് വല ഉപയോഗിക്കുക
  • സന്ധ്യാ നേരത്ത് പുറത്തു ഇറങ്ങി നടക്കാതിരിക്കുക (പ്രത്യേകിച്ച് കുട്ടികളും മുതിര്‍ന്നവരും)

ജലദോഷം:

പൊതുവേ വായുവിലൂടെ പകരുന്ന വൈറല്‍ അസുഖമാണ് ഫ്ലൂ അഥവാ ജലദോഷം. വിശ്രമം, പനി ഉണ്ടെങ്കില്‍ പരസിടാമോള്‍ എന്നിവ മാത്രം കൊണ്ട് ഒരാഴ്ചക്കുള്ളില്‍ മാറാവുന്ന അസുഖമാണ് ഫ്ലൂ.
ശ്വാസകോശ അണുബാധ ഉണ്ടെങ്കില്‍ മാത്രമേ ആന്റിബയോട്ടിക് കഴിക്കെണ്ടതുള്ളൂ. ആന്റിബയോട്ടിക് ഉപയോഗം ഫലത്തെക്കാള്‍ ദോഷം ചെയ്തേക്കാം

ജലദോഷം പ്രതിരോധം: 
  • ചാറ്റല്‍ മഴ കൊള്ളാതെ സൂക്ഷിക്കുക
  • തുമ്മുമ്പോഴും  ചുമക്കുംപോഴും ഉള്ള മര്യാതകള്‍ പാലിക്കുക
  • എല്ലാവരും ഒരേ ടോവ്വല്‍ ഉപയോഗിക്കാതിരിക്കുക
  • ഭക്ഷണം പാകം ചെയ്യാന്‍ അടുക്കളയില്‍ കയറും മുന്‍പ് സോപിട്ടു കൈ കഴുകുക
  • ഭക്ഷണം കഴിക്കുന്നതിനു മുന്‍പ് നിര്‍ബന്ധമായും കൈ കഴുകുക
  • കൂടെ കൂടെ മൂക്കില്‍ കയ്യിട്ടു കളിക്കുന്ന സ്വഭാവം ഒഴിവാക്കുക!
 കൂടെ വായിക്കേണ്ട പോസ്റ്റ്‌:

ശ്വാസകോശ അസുഖങ്ങള്‍ക് ആന്റിബയോട്ടിക് ഉപയോഗം ഫലത്തെക്കാള്‍ ദോഷം ചെയ്തേക്കാം എന്ന് പഠനം.