പെണ്‍കുട്ടികളുടെ ചേലാകര്‍മം (Circumcision); നിങ്ങള്ക്ക് അറിയേണ്ടതെല്ലാം!

ഇന്ന് ടിവി തുറന്നപ്പോള്‍ ഒരു പ്രധാന വാര്‍ത്ത, ഈജിപ്തില്‍ സുന്നത്ത് കല്ല്യാണം നടത്തിയതിനെ തുടര്‍ന്ന് വിദ്യാര്‍ത്ഥിനി മരിച്ചു. അപ്പോള്‍ പലര്‍ക്കും സംശയം പടച്ചോനെ പെണ്‍കുട്ടികള്‍ക്കും സുന്നത്ത് കഴിക്കലോ? അതെന്താ സംഭവം?? ഈ വിഷയത്തെ കുറിച്ച് ശാസ്ത്രീയമായി ചുരുക്കത്തില്‍ ഒന്ന് വിവരിക്കാന്‍ ശ്രമിക്കാം.

ലോക ആരോഗ്യ സംഘടന (WHO) ഇതിനു Female Genital Mutilation  'സ്ത്രീ ലൈംഗിക അവയവ ഘടനയില്‍ മാറ്റം വരുത്തല്‍'  എന്നാണു പേരിട്ടിരിക്കുന്നത്. പെണ്‍ ചേലാകര്‍മം, മുറിക്കല്‍ തുടങ്ങിയ നാടന്‍ പേരുകളും ഉണ്ട്. " ആരോഗ്യകരമായ കാരനങ്ങല്ക് അല്ലാതെ, ഭാഗികമായോ പൂര്‍ണമായോ സ്ത്രീ ലൈംഗിക അവയവങ്ങള്‍ മുറിച്ചു മാറ്റുക അല്ലെങ്കില്‍ മുറിവേല്‍പ്പിക്കുക" എന്നാണ് WHO ഇതിനെ നിര്‍വചിച്ചിട്ടുള്ളത്. 2013 ലെ കണക്കനുസരിച്ച് ലോകത്ത് ചേലാകര്‍മതിനു ഇരയായ 14 കോടിയില്‍ അതികം പെണ്ണ്ങ്ങള്‍ ഉണ്ട്. ഇതില്‍ പത്തു കോടിയും ആഫ്രിക്കന്‍ രാജ്യങ്ങളില്‍ നിന്നുള്ളവരാണ്. ലോകത്ത് സുഡാന്‍, സൊമാലിയ, എത്യോപിയ, ഈജിപ്റ്റ്‌, പശ്ചിമേഷ്യ തുടങ്ങി 28 ഓളം രാജ്യങ്ങളില്‍ ഈ ദുരാചാരം നിലവിലുണ്ട്.

എന്താണ് സംഭവം?

പുറത്തു കാണുന്ന സ്ത്രീ ലൈംഗിക അവയവങ്ങള്‍ പൂര്‍ണ്ണമായോ ഭാഗികമായോ മുറിച്ചു മാറ്റുന്നതാണ് പ്രക്രിയ. ഇതില്‍ മൂന്നു വിഭാഗം ഉണ്ട്:

ഒന്ന്: Clitoris (പുരുഷന്മാരുടെ ലിംഗത്തിനോട് സാദൃശ്യമുള്ള സ്ത്രീകളുടെ ലൈംഗിക അവയവം) മാത്രം മുറിച്ചു മാറ്റല്‍ (പെണ്ണിന്റെ വികാരം കുറക്കാന്‍ വേണ്ടി; അത് വെറും തെറ്റായ ധാരണയാണ്)

രണ്ടു: Clitoris നൊപ്പം ഗുഹ്യഭാഗത്തെ ഉള്ളിലെ തൊലിയും മുറിച്ചു കളയല്‍.
  
മൂന്നു: Clitoris നും  ഗുഹ്യഭാഗത്തെ ഉള്ളിലെയും പുറത്തെയും ചര്മംഎടുത്തു കളയുകയും രണ്ടു വശത്തെ തൊലികള്‍ തമ്മില്‍ കൂട്ടി തുന്നുകയും ചെയ്യുന്നു.മൂത്രമൊഴിക്കാനും മാസമുറ രക്തം പോകാനും മാത്രം ചെറിയ ഒരു ദ്വാരം ബാകി വെക്കും (തീപ്പെട്ടി കൊള്ളിയുടെയോ ചെറിയ മരചില്ലയുടെയോ വലിപ്പത്തില്‍). ഇത് പിന്നീട് കല്യാണം കഴിഞ്ഞ അന്ന് രാത്രി മാത്രമേ തുറക്കൂ......

വിവിധ തരം പെണ്‍  ചേലാകര്‍മ രീതികള്‍

എന്തിനീ ക്രൂരത?

ഈജിപ്തിലും സുഡാനിലും ഒക്കെ ഇതിനു പേര് 'തുഹൂര്‍' അഥവാ 'ശുദ്ധീകരിക്കല്‍'  എന്നാണു. എന്നുവച്ചാല്‍ വൃത്തിയില്ലാത്ത സ്ത്രീയുടെ ലൈംഗിക അവയവങ്ങള്‍ മുറിച്ചു മാറ്റി മൊത്തം ഒരു വൃത്തിയാക്കല്‍! (ആപ്പോള്‍ പുരുഷന്റെ ഇതിലും വൃത്തിയില്ലാത്ത എന്തൊക്കെ മുറിച്ചു മാറ്റണം എന്നാണ് ലേഖകന്റെ മറു ചോദ്യം; പക്ഷെ ലോകം പുരുഷ മേധാവിത്വത്തില്‍ ആണല്ലോ?) 
മറ്റൊന്ന് സ്ത്രീ ചാരിത്ര്യം കാത്തു സൂക്ഷിക്കാന്‍ ആണെന്നാണ്‌ പറയുന്നത്. വളര്‍ന്നു വരുന്ന പെണ്‍കുട്ടിയുടെ ലൈംഗിക അവയവങ്ങള്‍ മുറിച്ചു വൃത്തിയാക്കി തുന്നി പൂട്ടി വെക്കുന്നു. അതോടൊപ്പം അവളില്‍ ലൈംഗിക വികാരം ഉണര്‍ത്തുന്നു എന്ന് കരുതുന്ന ക്ളിടോരിസ് മുറിച്ചു മാറ്റുകയും ചെയ്യുന്നതോടെ വിവാഹത്തിന് മുന്‍പുള്ള ബന്ധങ്ങള്‍, സ്വയം ഭോഗം തുടങ്ങിയ കാര്യങ്ങളില്‍ നിന്നും അവര്‍ സുരക്ഷിതരാണ്‌ എന്ന ചിന്താഗതിയാണ് അവരെ ഇതിനു പ്രേരിപ്പിക്കുന്നത്. പിന്നീട് വിവാഹ ദിവസം വരന്‍ ഇടപെട്ടാണ് തുന്നി വെച്ച 'ദൂക്കാന്‍' തുറക്കുന്നത്. (ഞാന്‍ പൂനയില്‍ പ്രാക്ടിസ് ചെയ്യുമ്പോള്‍ എന്നെ സമീപിച്ച ഒരു വിദേശി വനിതയെ എനിക്ക് ഓര്മ വരുന്നു. അവള്‍ക് പഠനത്തിനു ഇടയില്‍ തുറന്നു പോയ ആപീസ്, തിരിച്ചു നാട്ടിലേക്ക് പോകുന്നതിനു മുന്‍പ് നിര്‍ബന്ധമായും അടക്കണം പോലും!? വിവാഹത്തിന് തയാറെടുക്കുകയാണ് എന്നും വരന്‍ കണ്ടു പിടിക്കാതിരിക്കാന്‍ എന്തെങ്കിലും ചെയ്യണമെന്നും ഒക്കെയാണ് അപേക്ഷ! കക്കാന്‍ വിചാരിച്ചാല്‍ വഴികള്‍ എന്തൊക്കെ!!?)
പ്രസവ സമയത്ത് ഇത് വീണ്ടും ഒന്ന് കൂടി കീറി മുറിക്കേണ്ടി വരും. അപ്പോള്‍ ജീവിതത്തില്‍ കുറഞ്ഞ പക്ഷം മൂന്നു തവണ ഈ സ്ത്രീ ഇതിന്റെ വേദന അനുഭവിക്കണം.

പല ഗോത്ര സമൂഹങ്ങളും അവരുടെ ഒരു അഭിമാനമായും തിരിച്ചറിവിനുള്ള ഉപാധിയായും ഇത്തരം  കൃത്യങ്ങള്‍ കൊണ്ടാടുന്നു. മാതാ പിതാക്കള്‍ മുന്കയ്യെടുതാണ് കര്‍മ്മം ചെയ്യിപ്പിക്കന്നത്. ഭാവിയില്‍ കൂടുതല്‍ കുട്ടികള്‍ ഉണ്ടാകാനും കുട്ടിയുടെ ദീര്‍ഘായുസ്സിനും ചേലാകര്‍മ്മം നല്ലതാണെന്ന തെറ്റായ വിശ്വാസവും ഇത്തരം സ്ത്രീകളില്‍ ഉണ്ട്!
മുസ്ലിം, കൃസ്ത്യന്‍, ജൂധ മതങ്ങളില്‍ പെട്ട പലരും സ്ത്രീ ചേലാകര്‍മം ചെയ്യാറുണ്ടെങ്കിലും മുകളില്‍ വിവരിച്ച രീതിയില്‍ ഉള്ള കര്‍മങ്ങള്‍ ഒരു മതത്തിന്റെയും വിശ്വാസത്തിന്റെയും ആചാരത്തിന്റെയും ഭാഗമല്ല എന്നാണ് ഗവേഷണ റിപ്പോര്‍ട്ടുകള്‍ കാണിക്കുന്നത്! പുരുഷ ചേലാകര്‍മം  മതപരമായും ശാസ്ത്രീയമായും സ്ഥിരീകരിക്കപ്പെട്ടിട്ടുള്ളതാണ്.

ചെയ്യുന്ന രീതി:

പണമുണ്ടെങ്കില്‍ ആശുപത്രിയില്‍ പോയി വേദന കൂടാതെ കാര്യം സാധിക്കാം. നാട്ടിന്‍പുറങ്ങളില്‍ കത്തിയോ ബ്ലെടോ ഉളിയോ ഒക്കെ ഉപയോഗിച്ചാണ് ചെത്തിമാറ്റല്‍ കര്‍മം നടത്തുന്നത്.  മുറിച്ചതിനു ശേഷം ഒരു ചെറിയ മരച്ചില്ല തിരുകി ബാക്കിയുള്ള ഭാഗം തുന്നുകയോ അല്ലെങ്കില്‍ രണ്ടു കാലുകള്‍ 2-6 വരെ ആഴ്ചകള്‍ കൂട്ടി കെട്ടി വെക്കും മുറി ഉണങ്ങാന്‍. ഇപ്പോള്‍ എല്ലാം വൃത്തിയായി!..എല്ലാം സുരക്ഷിതം!?

ആരോഗ്യ പ്രശ്നങ്ങള്‍:

രക്ത സ്രാവം, അണുബാധ, എയിഡ്സ്, മഞ്ഞപിത്തം, റ്റെട്ടാനസ് തുടങ്ങിയവയാണ് വൃത്തിഹീനമായ സാഹചര്യത്തില്‍ ചെയ്യുന്നത് കൊണ്ടുള്ള ദൂശ്യ ഫലങ്ങള്‍. 

ഭാവിയില്‍ ലൈംഗിക ബന്ധത്തില്‍ ഏര്‍പ്പെടുമ്പോള്‍ ശക്തമായ വേദന, കുട്ടികള്‍ ഉണ്ടാവാതിരിക്കുക, ഗുഹ്യ ഭാഗ മുഴകള്‍, മൂത്രം പോകാതിരിക്കല്‍, ഗര്‍ഭ കാലത്തും പ്രസവ സമയത്തും ഉള്ള ബുദ്ധിമുട്ടുകള്‍ തുടങ്ങിയ പ്രശ്നങ്ങള്‍ ഈ സ്ത്രീകള്‍ അനുഭവിക്കേണ്ടി വരുന്നു.

(ഒരു തരം ലൈംഗിക അരക്ഷിത ബോധമല്ലേ ഇതിന്റെയെല്ലാം അടിസ്ഥാന കാരണം? പിന്നെ വിദ്യാഭ്യാസം ഇല്ലായ്മയും??)

അവലംബം: http://www.who.int/mediacentre/factsheets/fs241/en/

മഴക്കാലം വന്നു: പകര്‍ച്ചവ്യാധികളെ കരുതിയിരിക്കുക!

മഴ ദൈവത്തിന്റെ അനുഗ്രഹമാണ്. ജീവജാലങ്ങളുടെ നിലനില്പിന്നു വളരെ അത്യാവശ്യവും. മഴയത്ത്  ഒന്ന് നനഞ്ഞു കുളിരാന്‍ ഇഷ്ട്ടപ്പെടാത്തവര്‍ ഉണ്ടാവില്ല. അതോടൊപ്പം മഴക്കാലം ഉയര്‍ത്തുന്ന ചില ഭീഷണികളും ഉണ്ട്. അതില്‍ പ്രധാനപ്പെട്ടത് പകര്‍ച്ചവ്യാധികള്‍ ആണ്. നമ്മുടെ നാട്ടില്‍ പരക്കെ പടരുന്ന ചില പകര്‍ച്ച വ്യാധികളെ കുറിച്ചും അവയെ പ്രതിരോധിക്കേണ്ട വിധവും ഇവിടെ ചുരുക്കത്തില്‍ വിവരിക്കാം:

മഞ്ഞപിത്തം:

ഇന്ന് നമ്മുടെ നാട്ടില്‍ പടര്‍ന്നു പിടിക്കുന്ന മഞ്ഞപിത്തം പ്രധാനമായും Hepatitis-A ഇനത്തില്‍ പെട്ട വൈറസ്‌ അണുബാധയാണ്. മലിനമായ ഭക്ഷണ പധാര്ത്തങ്ങളിലൂടെയും വെള്ളത്തിലൂടെയുമാണ് ഇത് പകരുന്നത്. മൂത്രത്തില്‍ മഞ്ഞ, ക്ഷീണം, വിശപ്പില്ലായ്മ, ചര്ധി, വയറു വേദന തുടങ്ങിയവയാണ് ലക്ഷണങ്ങള്‍. സമയത്ത് ചികില്സിക്കാതിരുന്നാല്‍ മരണം വരെ സംഭവിക്കാവുന്നതാണ്. അസുഖം ഉണ്ടെന്നറിഞ്ഞാല്‍ സമ്പൂര്‍ണ്ണ വിശ്രമം, ലളിതമായ ഭക്ഷണ പാനീയങ്ങള്‍ തുടങ്ങിയവയാണ് ചികിത്സ. പൊതുവേ ചികിത്സിച്ചു പൂര്‍ണമായും ഭേതമാക്കാവുന്ന അസുഖമാണ്.

അസുഖം വന്നാല്‍ അടിയന്തിരമായി ഡോക്റ്ററെ കണ്ടു ബ്ലഡ്‌ ചെക്ക് അപ്പ്‌ ചെയ്യണം. സ്വയം/വ്യാജ ചികിത്സകള്‍ ചെയ്തു സമയം കളയരുത്!

Hepatitis B and C ഇനത്തില്‍ പെട്ട അണുബാധ, സുരക്ഷിതമല്ലാത്ത ലൈംഗിക ബന്ധങ്ങള്‍, മയക്കു മരുന്ന് കുത്തി വെക്കല്‍, ബ്ലഡ്‌ Transfusion തുടങ്ങിയവാണ് പകര്‍ച്ചാ കാരണങ്ങള്‍. ഒരിക്കല്‍ വന്നാല്‍ പിന്നെ വൈറസ്‌ പൂര്‍ണ്ണമായും ശരീരത്തില്‍ നിന്നും പോകാന്‍ ബുദ്ധിമുട്ട് ആണ്. സമയത്ത്  ചികിത്സയും വിശ്രമവും  നല്‍കിയില്ലെങ്കില്‍ മരണം വരെ സംഭവിച്ചേക്കാം. ഭാവിയില്‍ വിദേശത്ത് തൊഴില്‍ തേടാനുള്ള സാധ്യതകള്‍ വരെ മങ്ങാവുന്ന അണുബാധയാണ് Hepatitis B and C . ലൈംഗിക ബന്ധത്തില്‍ കൂടി പകരും എന്നുള്ളത് കൊണ്ട് ജീവിത പങ്കാളിയിലെക്കും പകരും!

മഞ്ഞ പിത്തം-പ്രതിരോധം:

• തിളപ്പിച്ച്‌ ആറ്റിയ വെള്ളം മാത്രം കുടിക്കുക
• തിളപ്പിച്ചതും അല്ലാത്തതുമായ വെള്ളം മിക്സ് ചെയ്തു കുടിക്കരുത്.
• ഭക്ഷണം പാകം ചെയ്യാന്‍ അടുക്കളയില്‍ കയറും മുന്‍പ് സോപിട്ടു കൈ കഴുകുക
• ഭക്ഷണം കഴിക്കുന്നതിനു മുന്‍പ് നിര്‍ബന്ധമായും കൈ കഴുകുക
• ബാത്ത് റൂമില്‍ പോയി വന്നാല്‍ കുട്ടികളും മുതിര്‍ന്നവരും നിര്‍ബന്ദമായും സോപ്പിട്ടു കൈ കഴുകണം
• പാകം ചെയ്യാത്ത ഇലകളും പച്ചകരികളും കഴിക്കരുത്.
• കടകളില്‍ നിന്നും ഐസ്ക്രീം, ജ്യൂസ്‌ തുടങ്ങിയവ കഴിക്കാതിരിക്കുക.

 മലേറിയ (മലമ്പനി):

കൊതുകുകള്‍ പരത്തുന്ന അസുഖമാണ് മലേറിയ അഥവാ മലമ്പനി. Plasmodium ഇനത്തില്‍ പെട്ട രോഗാണു ആണ് രോഗ കാരണം. പനി, തലവേദന, തണുത്ത് വിറക്കല്‍, വിശപ്പില്ലായ്മ തുടങ്ങിയവയാണ് രോഗ ലക്ഷണങ്ങള്‍. അസുഖം കണ്ടു പിടിക്കുന്നത്‌ രക്ത പരിശോധനയിലൂടെയാണ്. അസുഖം വന്നാല്‍ ഉടന്‍ ഡോക്റ്ററെ അമീപിച്ചു ചികിത്സ നടത്തിയാല്‍ ഒന്നോ രണ്ടോ ആഴ്ച കൊണ്ട് പൂര്‍ണ്ണമായും ഭേധപ്പെടുന്നതാണ്. സമയത്ത് ചികിത്സ ലഭിച്ചില്ലെങ്കില്‍ തലച്ചോറ്, ശ്വാസകോശം, ലിവര്, സ്പ്ലീന്‍ തുടങ്ങിയവയിലേക്ക് പകരാനും മരണം വരെ സംഭവിക്കാനും സാധ്യത ഉണ്ട്.

ഡങ്കി പനി: 

മലേറിയ (മലമ്പനി) പോലെ തന്നെ കൊതുകുകള്‍ പരത്തുന്ന മറ്റൊരു അസുഖം ആണ് ഡങ്കി പനി. പക്ഷെ വൈറസ്‌ ആണ് ഇവിടെ രോഗ കാരണം. പനി, സന്ധി-പേശി വേദന, തല വേദന, തൊലിയില്‍ രാഷ് (Rashes) തുടങ്ങിയവയാണ് ലക്ഷണങ്ങള്‍. ചിലപ്പോള്‍ രക്തസ്രാവം ഉള്ള ഡങ്കി പനി (dengue hemorrhagic fever) ഉണ്ടാവാറുണ്ട്, അത് രക്ത സമ്മര്‍ദം കുറയാനും മറ്റും കാരണമാകാം. രക്തം പരിശോധിച്ചാണ് അസുഖം സ്ഥിരീകരിക്കുന്നത് (Virus isolation and nucleic acid detection ). വിശ്രമം, പനിക്കു പാരസിടമോള്‍, വേദനക്ക് മരുന്ന്, ധാരാളം വെള്ളം കുടിക്കല്‍ (അല്ലെങ്കില്‍ ഗ്ലുകോസ് കുപ്പി) തുടങ്ങിയവയാണ് സഹായകമായ ചികിത്സ. മലമ്പനിക്ക് ഉചിതമായ നല്ല ചികിത്സ ഉള്ളപ്പോള്‍ ഡങ്കി പനിക്ക് അതില്ല.  മലമ്പനിയെ പോലെ ഇതിനും പ്രതിരോധ കുത്തി വെപ്പ് ഇല്ല.


മലേറിയ/ഡങ്കി പനി- പ്രതിരോധം:

• പരിസരം വൃത്തിയായി സൂക്ഷിക്കുക
• വൃത്തി ഹീനമായി കെട്ടിക്കിടക്കുന്ന ജല സ്രോതസുകള്‍ ഇല്ലാതാക്കുക
• ശരീരം നാന്നായി മറയുന്ന വസ്ത്രം ഉപയോഗിക്കുക (പ്രത്യേകിച്ച് കുട്ടികളില്‍).
• കൊതുക് വല ഉപയോഗിക്കുക
• സന്ധ്യാ നേരത്ത് പുറത്തു ഇറങ്ങി നടക്കാതിരിക്കുക (പ്രത്യേകിച്ച് കുട്ടികളും മുതിര്‍ന്നവരും)

ജലദോഷം:

പൊതുവേ വായുവിലൂടെ പകരുന്ന വൈറല്‍ അസുഖമാണ് ഫ്ലൂ അഥവാ ജലദോഷം. വിശ്രമം, പനി ഉണ്ടെങ്കില്‍ പരസിടാമോള്‍ എന്നിവ മാത്രം കൊണ്ട് ഒരാഴ്ചക്കുള്ളില്‍ മാറാവുന്ന അസുഖമാണ് ഫ്ലൂ.
ശ്വാസകോശ അണുബാധ ഉണ്ടെങ്കില്‍ മാത്രമേ ആന്റിബയോട്ടിക് കഴിക്കെണ്ടതുള്ളൂ. ആന്റിബയോട്ടിക് ഉപയോഗം ഫലത്തെക്കാള്‍ ദോഷം ചെയ്തേക്കാം

ജലദോഷം പ്രതിരോധം: 

• ചാറ്റല്‍ മഴ കൊള്ളാതെ സൂക്ഷിക്കുക
• തുമ്മുമ്പോഴും  ചുമക്കുംപോഴും ഉള്ള മര്യാതകള്‍ പാലിക്കുക
• എല്ലാവരും ഒരേ ടോവ്വല്‍ ഉപയോഗിക്കാതിരിക്കുക
• ഭക്ഷണം പാകം ചെയ്യാന്‍ അടുക്കളയില്‍ കയറും മുന്‍പ് സോപിട്ടു കൈ കഴുകുക
• ഭക്ഷണം കഴിക്കുന്നതിനു മുന്‍പ് നിര്‍ബന്ധമായും കൈ കഴുകുക
• കൂടെ കൂടെ മൂക്കില്‍ കയ്യിട്ടു കളിക്കുന്ന സ്വഭാവം ഒഴിവാക്കുക!

 കൂടെ വായിക്കേണ്ട പോസ്റ്റ്‌:

ശ്വാസകോശ അസുഖങ്ങള്‍ക് ആന്റിബയോട്ടിക് ഉപയോഗം ഫലത്തെക്കാള്‍ ദോഷം ചെയ്തേക്കാം എന്ന് പഠനം.

ഉമ്മാ...................നിങ്ങളുടെ കാലടിയിലാണ് സ്വര്‍ഗം!

ഒരു തണുത്ത മഞ്ഞുള്ള രാവിലെ നാസറിന്റെ   ബാപ്പ 11, 9, 7, 5 വയസ്സുള്ള അവര്‍  നാല് പേരെ യെതീം കുട്ടികളാക്കി പോകുമ്പോള്‍ അവന്‍റെ  ഉമ്മയ്ക്ക് ഇരുപത്തി ആരു വയസ്സ്. സുന്ദരിയും സുമുഖയുമായ ഒരു യുവതി. ജീവിതം ജീവച്ചു കൊതി തീര്‍ന്നിട്ടില്ലാത്ത അവരുടെ മുന്‍പില്‍ പലരും പല വഴികളും ഉപദേശിച്ചു. എപ്പോഴാണ് അടുത്ത കല്യാണം? കുട്ടികളെ എപ്പോഴാണ് അനാഥാലയത്തില്‍ ആക്കുന്നത്? ഞാന്‍ നിന്നെ പോന്നു പോലെ നോക്കാം തുടങ്ങിയ കഴുകന്മാരുടെ വാക്കുകള്‍.

ബാപ്പ മരിച്ചപ്പോള്‍ എന്റെ കുട്ടികളെ റബ്ബേ നീ യതീം ആക്കിയല്ലോ എന്ന് ആ ഉമ്മ വാവിട്ടു കരഞ്ഞപ്പോള്‍ അതിന്റെ അര്‍ത്ഥം അഞ്ചു വയസ്സുള്ള അവനറിയില്ലായിരുന്നു. പക്ഷെ എന്താണ് യതീം എന്ന് ജീവിതം അവനെ പഠിപ്പിച്ചു!

ഉമ്മ അവര്‍ മക്കള്‍ക് വേണ്ടി സ്വന്തം ജീവിതം ഒഴിഞ്ഞു വെക്കുകയായിരുന്നു. കരിങ്കല്‍ ക്വാറി യില്‍ കരിങ്കല്‍ ചുമന്നും റബ്ബര്‍ വിറകു വെട്ടിയും ഒക്കെ ഉമ്മ മക്കളെ അന്തസ്സായി വളര്‍ത്തി. പെരുന്നാളിനു മക്കള്‍ക് എല്ലാവര്ക്കും ഉടുപ്പ് വാങ്ങിച്ചപ്പോള്‍ ഉമ്മാക്  വാങ്ങിചിരുന്നില്ല എന്നു പിന്നീടാണ് അവന്‍ അറിഞ്ഞത്. കാരണം, ആ കടം തന്നെ വീടാന്‍ ഇനി മാസങ്ങള്‍ പണിയെടുക്കനമായിരുന്നു. ഹോസ്റ്റലില്‍ വയറു നിറച്ചും പിന്നെയും അവര്‍  ഭക്ഷണം തിന്നപ്പോള്‍ ഉമ്മയുടെ വയറു കാലിയായിരുന്നു എന്ന് ബുദ്ധി വെച്ചപ്പോഴാണ് ഉമ്മ പറഞ്ഞു കൊടുത്തത്. പച്ചവെള്ളം കുടിച്ചു ഉറങ്ങിയ കുറെ രാത്രികള്‍ ഉണ്ടത്രേ!!

അവരില്‍ ചെറിയ രണ്ടു കുട്ടികള്‍ നേര്‍ വഴിയില്‍ നിന്നും തെറ്റിപ്പോകുമോ എന്ന ഭയവും പണിക്കു പോകാനുള്ള സൌകര്യത്തിനും ഉമ്മ അവരെ യതീമ്ഖാനയില്‍ ചേര്‍ത്തി.  ഉമ്മയ്ക്ക് അവനെ  വേണ്ടാഞ്ഞിട്ടാണ് ഇവിടെ കൊണ്ട് ആക്കിയത് അന്ന് അവന്‍ ചിന്തിക്കുകയും ഒരു പാട് പ്രാവശ്യം ഓടി വീടിലേക്ക്‌ തന്നെ പോകുകയും ചെയ്തിട്ടുണ്ട്.

ഇന്ന് ലോകത്ത് ഏറ്റവും അഭിമാനിക്കുന്ന സ്ത്രീ അവന്‍റെ  ഉമ്മയാകണം!
ഉമ്മ അദ്വാനിച്ച് അവന്‍റെ  പെങ്ങളെ ഒരു നേഴ്സ് ആക്കി,  വല്യ ജെഷ്ട്ടന്‍ കൈതൊഴില്‍ പഠിച്ചു ഉമ്മയ്ക്ക് ഒരു താങ്ങ് ആയി, മറ്റൊരു ജെഷ്ട്ടന്‍ ഡിഗ്രിയും ബുസിനെസ്സും പഠിച്ചു ജോലിയിലും ബിസിനെസ്സിലും ആക്കി. അവനെ  പഠിപ്പിച്ചു ഒരു ഡോക്ടരാക്കി. എല്ലാം ഉമ്മയുടെ നിശ്ചയ ധാര്‍ദ്യവും അദ്ധ്വാനവും തന്നെ.

അവര്‍ മക്കള്‍ എല്ലാം നേടി, ഉമ്മയുടെ ജീവിതത്തിലേക്ക് തിരിഞ്ഞു നോക്കുമ്പോള്‍ ഉമ്മയ്ക്  ബാകിയായത് കണ്ണുനീര്‍ തോരാത്ത ആയിരക്കണക്കിന് രാത്രികള്‍, ചുട്ടു പൊള്ളുന്ന-വിശന്നു പൊരിഞ്ഞ ഒരു പാട് പകലുകള്‍, കാമ കഴുകന്മാരുടെ കുത്തുവാക്കുകളും നോട്ടങ്ങളും, പഴകി വിയര്‍പ്പും റബ്ബര്‍ കറയും നാറുന്ന വസ്ത്രങ്ങളും ഒക്കെയാണ്. അന്നൊക്കെ ഉമ്മയെ പിടിച്ചു നിര്‍ത്തിയത്  മക്കള്‍ക്ക്‌ വേണ്ടി ജീവിക്കണം എന്നുള്ള ഒരു വികാരം മാത്രമായിരുന്നു.

ഉമ്മയെ കൈ പിടിച്ചു ഹജ്ജു ചെയ്യിപ്പിച്ചു എന്നത് അവന്‍റെ  ഒരു മഹാ ഭാഗ്യമായി അവന്‍ കരുതുന്നു. മക്കള്‍ അവര്ക് നല്ല ഒരു വീടും (ഉമ്മയുടെ നാമകരണത്തില്‍), മുന്തിയ വസ്ത്രങ്ങളും സ്വര്‍ണവും ഒക്കെ വാങ്ങിച്ചു കൊടുക്കുന്നു എന്നതില്‍ അപ്പുറം  മക്കളുടെ വളര്‍ച്ച കണ്ടു അഭിമാനിക്കുകയും സന്തോഷിക്കുകയും ആണ് ആ ഉമ്മ!!

കുട്ടികളെയും ഭര്‍ത്താവിനെയും വിട്ടു തന്റെ കാമ വെളികല്‍ക്കായി കണ്ടവന്റെ കൂടെ ഇറങ്ങി ഓടുന്നവരും തന്റെ മക്കളുടെ ശരീരം വിറ്റു ജീവിതം കൊഴുപ്പിക്കുകയും ഒക്കെ ചെയ്യുന്ന ഇന്നത്തെ ന്യൂ ജനറേഷന്‍ അമ്മമാര്‍ക്കും, പോറ്റി വളര്‍ത്തിയ മാതാ പിതാക്കളെ വൃദ്ധ സദനത്തിലും റോടരികിലും കൊണ്ട്  പോയി തള്ളുന്നവര്ര്‍ക്കും, അമ്മ എന്താണ് എന്ന് മനസ്സിലാക്കാനും പാഠങ്ങള്‍ ഉള്‍കൊള്ളാനും ഈ ഉമ്മ എല്ലാവക്കും ഒരു മാതൃകയാണ്!. ഇത് പോലത്തെ ഒരു പാട് ഉമ്മമാര്‍ നമ്മുടെ ഇടയില്‍ ജീവിക്കുന്നവരും ജീവിതം കൊതി തീരാതെ നമ്മെ വിട്ടു പിരിഞ്ഞവരും ഉണ്ട്. നമുക്ക് എല്ലാവര്ക്കും വേണ്ടി പ്രാര്‍ത്ഥിക്കാം. അമ്മമാര്‍ക്കായൊരു ദിവസം വേണമെന്നില്ല, എന്റെ എല്ലാ ദിവസവും എന്റെ ഉമ്മാക് വേണ്ടി തന്നെ!!

ഉമ്മാ...................നിങ്ങളുടെ കാലടിയിലാണ് സ്വര്‍ഗം!

ഫൌസിയയുടെ 'പ്രതിസന്ധി' യും ബഷീര്‍ക്കാന്റെ ക്ഷമാപണം അഥവാ ഭീഷണിയും!?

ഈ അടുത്ത കാലത്താണ് മഹാനായ ചിന്തകയും ഫുധിജീവിയുമായ ഫൌസിയ മുസ്തഫ എന്ന വമ്പത്തി മലപ്പുറത്തെ ഗള്‍ഫുകാരായ മുസ്ലിം ഭാര്യമാരുടെ ആ ‘പ്രതിസന്ധി’ കണ്ടെത്തിയത്. ആ കണ്ടെത്തലിനു എതിരെ തറവാട്ടില്‍ പിറന്നവരും അമ്മയെയും ഭാര്യയേയും പ്രദര്‍ശിപ്പിച്ചു ജീവിക്കാത്തവരുമായ മുഴുവന്‍ മലയാളികളും ശക്തമായ ഭാഷയില്‍ തന്നെ പ്രതികരിച്ചു. നാടിനും നാട്ടാര്‍ക്കും ഒരു ഉപകാരവും ഇല്ലാത്ത മലപ്പുറം ഗള്‍ഫുകാരുടെ പണം കൊണ്ട് കെട്ടിപ്പടുത്ത ഇന്ത്യവിഷന്റെ ഗള്‍ഫുപതിപ്പ് പുറം ലോകം കാണാതെ ബ്രൂനഹത്യ ചെയ്യപെടാന്‍ വരെ കാരണമായേക്കാവുന്ന ഒരു വലിയ മണ്ടത്തരമാണ് അവര്‍ വിളിച്ചു പറഞ്ഞത്‌ എന്ന് ഞമ്മളെ ബഷീര്‍ കാക്കയ്ക്ക് പെട്ടെന്ന് പുട്തം കിട്ടി.. പുള്ളി എത്രയും പെട്ടെന്ന് ഒരു ക്ഷമാപണ കുറിപ്പ്, ഛെ! അല്ല ഭീഷനിക്കുറിപ്പുമായി രംഗത്ത് എത്തി! അതിലെ ചില രസകരമായ സംഭവങ്ങളിലേക്ക്:

“മുസ്ലിം സ്ത്രീകളില്‍ ‘ചിലര്‍’ ഉപയോഗിക്കുന്ന പര്‍ദ്ദ വഷ്ട്രതെ കുറിച്ച് നടത്തിയ ‘ചില’ പരാമര്‍ശങ്ങള്‍ ഗള്‍ഫിലെ ഒരു വിഭാഗം മലയാളികള്‍ക്കിടയില്‍ വ്യാപകമായ പ്രതിഷേധമുണ്ടാക്കിയതായി ശ്രദ്ധയില്‍ പെട്ടിരിക്കുന്നു” 

അല്ല വിഷമേ ഈ ചില ചില ചില എന്ന ചില നമുക്ക് “മുസ്ലിം സ്ത്രീകളില്‍ ഭൂരിഭാഗവും  ഉപയോഗിക്കുന്ന പര്‍ദ്ദ വസ്ത്രത്തെ കുറിച്ച് നടത്തിയ ‘ചില നിരുത്തരവാധപരവും വംശീയമായി ആക്ഷേപിക്കുന്നതും മത സ്വാതന്ത്യത്തെ ഹനിക്കുന്നതുമായ ആയ’ പരാമര്‍ശങ്ങള്‍ ഗള്‍ഫിലെ ജാതി മത ഭേതമന്യേ ഭൂരിഭാഗം മലയാളികള്‍ക്കിടയില്‍ വ്യാപകമായ പ്രതിഷേധമുണ്ടാക്കിയതായി ശ്രദ്ധയില്‍ പെട്ടിരിക്കുന്നു”എന്ന് തിരുത്തി വായിച്ചു കൂടെ? അല്ല അങ്ങിനെ വായിച്ചാലും കേസ് കൊടുക്കുമോ??

“ആ പ്രോഗ്രാമിന്റെ പൊതു ഉള്ളടക്കത്തിന് ആവശ്യമില്ലാത്ത രണ്ടു മൂന്ന് വാക്യങ്ങള്‍ സ്ക്രിപ്റ്റില്‍ കടന്നു കൂടി എന്നാ വിമര്‍ശനം വസ്തുതാപരമാണ്”

അല്ല വിഷമേ ആ അറിയാതെ കടന്നു കൂടിയ രണ്ടു മൂന്ന് വാക്കുകള്‍ തന്നെയല്ലേ ആ പ്രോഗ്രാം സ്ക്രിപ്റ്റില്‍ നിങ്ങള്‍ ഉദ്ദേശിച്ച യഥാര്‍ത്ഥ ഉള്ളടക്കം!? 

“മലപ്പുറത്തെ ഒട്ടേറെ സ്ത്രീകളോട് സംസാരിച്ച ശേഷമാണ് അത്തരം ഒരു അഭിപ്രായ രൂപീകരണം നടത്തിയത്”

അന്തിയുറങ്ങാന്‍ കൂട്ടിനു ആളില്ലാത്തത് കൊണ്ട് ഞങ്ങള്‍ വല്ലാത്ത പ്രതിസന്ധിയിലാണ് എന്നും അത് മറികടക്കാന്‍ നിര്‍ബന്ധപൂര്‍വ്വം ഞങ്ങള്‍ ആപീസ് പര്‍ദ്ദ ഇട്ടു പൂട്ടി ഇട്ടിരിക്കുകയാണ് എന്നും നിങ്ങളോട് പറഞ്ഞ മലപ്പുറത്തെ ഒട്ടേറെ സ്ത്രീകളുടെ ലിസ്റ്റ് ഒന്ന് തരാമോ? നമുക്ക് അതിന്റെ ആധികാരികതയെ കുറിച്ച് ഒരു പോലിസ് അന്വേഷണം നടത്താന്‍ തയ്യാറുണ്ടോ??

“സൗദി അറേബ്യയിലെ ജോലി മേഖലയിലെ സ്വദേശി വല്‍ക്കരണത്തിന്റെ ഭാഗമായി നടപ്പാകിയ നിതാകാത്ത് നിയമം കേരളത്തില്‍ ഉണ്ടാക്കുന്ന സാമൂഹിക ആഘാതങ്ങളെ കുറിച്ച് ഇന്ത്യവിഷന്‍ മലപ്പുറം റിപ്പോര്‍ട്ടര്‍ ഫൌസിയ തയ്യാറാക്കിയ ‘സ്പെഷല്‍ കരസ്പോണ്ടന്ടു’”  

ഇപ്പോള്‍ ഭീഷണി ക്ഷമാപണം വായിച്ചപ്പോള്‍ ആണ് ഫൌസിയ മാഡത്തിന്റെ ‘സ്പെഷല്‍ കരസ്പോണ്ടന്ടു’ സൌദിയിലെ നിതാഖാത്തു മായി ബന്ധപ്പെട്ട റിപ്പോര്ട്ടാണെന്ന തമാശയും മനസ്സിലാകുന്നത്. നിതാഖാത്തും പര്ധയും തമ്മിലെന്താണ് ബന്ധം? നിതാഖാത്തും മലപ്പുറത്തെ പ്രവാസി ഭാര്യമാരുടെ ‘ശാരീരിക പ്രതിസന്ധിയും’ തമ്മിലെന്താണ് ബന്ധം? നിതാഖാത്തും മുസ്ലിം പെണ്കുാട്ടികളുടെ എസ്.എസ്.എല്‍.സി പരീക്ഷയും തമ്മിലെന്താണ് ബന്ധം? എന്നൊന്നും ബഷീരാക്ക വിവരിച്ചു കണ്ടില്ല? (കടപ്പാട്: റഫീക്ക് പാറക്കല്‍)

“വസ്ത്ര ധാരണത്തില്‍ ഉള്‍പ്പടെ ജീവിതത്തിലെ എല്ലാ മേഖലയിലും സ്ത്രീകള്‍ക് സ്വയം നിര്‍ണയാവകാശം ഉണ്ടെന്ന വിശാല പുരോഗമന അഭിപ്രായമാണ് ഇന്ത്യവിഷം എഡിറ്റോറിയല്‍ സമിതിയുടെത്. പര്‍ദ്ദ ഒരു വസ്ത്രം എന്നാ നിലയില്‍ സ്ത്രീകളുടെ തിരഞ്ഞെടുപ്പാനെങ്കില്‍ അക്കാര്യത്തിലും ഞങ്ങളുടെ നിലപാട് മറിച്ചല്ല”

അപ്പോള്‍ പര്‍ദ്ദ പ്രാകൃതവും യാധാസ്ഥിതികവുമാണ് എന്ന താങ്കളുടെ റിപ്പോര്‍ട്ടര്‍, താങ്കള്‍ ചീഫ് എഡിറ്റര്‍ ആയ ചാനലില്‍ വിളിച്ചു പറഞ്ഞ പഭിപ്രായം എഡിറ്ററിയല്‍ സമിതിക്ക് ഇല്ലെങ്കില്‍ പിന്നെ ഈ പണി രാജി വെച്ച്, മുഴച്ചു നില്‍കുന്ന ഭാഗങ്ങള്‍ മാത്രം മറയുന്ന തുണികഷ്ണങ്ങള്‍ വില്‍ക്കുന്ന ഒരു ഷോപ് തുടങ്ങിക്കൂടെ? അതല്ലേ ‘വിശാല പുരോഗമന’ ചിന്തക്ക് ഒന്ന് കൂടി നല്ലത്?? (അല്ല ശരീരം മാന്യമായി മറക്കല്‍ പ്രാകൃതവും യാധാസ്ഥിതികവുമാണല്ലോ?) 

പര്‍ദ്ദ എന്ന വാകിന്റെ അര്‍ഥം 'മറ' എന്നാണ്. കറുത്ത നിറത്തില്‍ ഇന്ന് കാണുന്ന രീതിയില്‍ ഉള്ള വസ്ത്രം  മാത്രമേ ധരിക്കാവൂ എന്ന് ഇസ്ലാം സ്ത്രീകളോട് പറഞ്ഞിട്ടില്ല. പക്ഷെ തന്റെ തൊലിയും ശരീരത്തിന്റെ അംഗ ലാവന്യവും പുറത്തു കാണാത്ത തരത്തിലുള്ള വസ്ത്രം ധരിക്കുക. അതാണ്‌ പര്‍ദ്ദ. 

“പരിപാടി സംപ്രേഷണം ചെയ്തു ഒരു മാസത്തിനു ശേഷം അതിലെ ഒരു ചെറിയ ഭാഗം അടര്‍ത്തിയെടുത്തു സോഷ്യല്‍ നെറ്റ്വര്‍ക്ക്‌ വഴി ഇന്ത്യവിഷന് എതിരെ അപകീര്‍ത്തി പരമായ ഒരു കാമ്പൈന്‍ നക്കുന്നതായി ഞങ്ങള്‍ മനസ്സിലാക്കുന്നു. ഒരു വനിതാ  റിപ്പോര്‍ട്ടര്‍ക്ക് എതിരെ അങ്ങേ അറ്റം അപകീര്‍ത്തികരമായ പരാമര്‍ശങ്ങള്‍ പ്രചരിപ്പിക്കപ്പെട്ടതും അംഗീകരികാനാകില്ല. ഇതിനെതിരെ ഫൌസിയ വ്യക്തിപരമായും സ്ഥാപനം എന്നാ നിലയില്‍ ഇന്ത്യവിഷനും നിയമ നടപടികള്‍ സ്വീകരിക്കുന്നതാണ്”

ലോകത്തുള്ള എല്ലാവരുടെയും വാക്കുകളും പ്രസംഗങ്ങളും വെട്ടി മുറിച്ചു നിങ്ങള്ക് ഇഷ്ട്ടമുള്ള ഭാഗങ്ങള്‍ മാത്രം സംപ്രേഷണം ചെയ്തു രാജ്യവും നാടും കുടുംബവും കലക്കുന്ന നിങ്ങള്ക് നിങ്ങള്‍ പറഞ്ഞ തോന്നിവാസം എടുത്തു പറഞ്ഞപ്പോള്‍ പൊള്ളി അല്ലെ? ഇപ്പോള്‍ ഇന്ത്യ ഒരു വെള്ളരിക്കാ പട്ടണം അല്ല. സോഷ്യല്‍ മീഡിയകളുടെ ശക്തി നിങ്ങള്‍ ശരിക്കും അറിയാനിരിക്കുന്നത്തെ ഉള്ളൂ. ഇപ്പോള്‍ നടന്നത് വെറും അസന്ഘടിതരായ വ്യക്തികളുടെ പ്രതിഷേധമാണ്. ഇനിയും നിയമ നടപടി എന്നൊക്കെയുള്ള ഓലപ്പാമ്പ് കാട്ടി പേടിപ്പിക്കാനും തോന്നിവാസം തുടരാനും ആണ് ഭാവം എങ്കില്‍ സോഷ്യല്‍ മീഡിയയുടെയും സംഘടിത പ്രവാസ ശക്തിയുടെയും ചൂട് നിങ്ങള്‍ അറിയാനിരിക്കുന്നത്തെ ഉള്ളൂ. ഇങ്ങനെ പോയാല്‍ മിക്കവാറും ഈ വിഷ ചാനെലിന്റെ ആപീസ് പൂട്ടും.

മത സ്വാതന്ത്ര്യം ഹനിക്കള്‍, വംശീയ അധിക്ഷേപം, വര്‍ഗീയത പ്രോത്സാഹിപ്പിക്കല്‍ തുടങ്ങിയ കാരണങ്ങള്‍ക്ക് ഇന്ത്യവിഷന് എതിരെ കോടതിയെ സമീപിക്കാന്‍ എന്താ പ്രവാസികള്‍ക് വക്കീലിനെ കിട്ടില്ലേ?

മാന്യമായി ജീവിക്കുന്ന മലപ്പുറത്തെ വീട്ടമ്മമാരെ വര്‍ഗീയമായും വംശീയമായും അധിക്ഷേപിച്ച ഫൌസിയ മുസ്തഫക്കെതിരെ കേസ് കൊടുത്താല്‍ പ്രവാസികള്‍ക് പുളിക്കുമോ??

“ക്ഷമ ചോദിക്കുന്നു, പരിപാടി പിന്‍‌വലിക്കുന്നു”

താങ്കളുടെ അമ്മയ്ക്കും പെങ്ങല്കും ഭാര്യക്കും ഒക്കെ എതിരായി കുറെ പൂര തെറി വിളിക്കാം. എന്നിട്ട് ഒരു മാസം കഴിഞ്ഞിട്ട് ഒരു വിശദീകരണ കുറിപ്പ് എഴുതി തരാം. പിന്നെ തെറിക്കു എതിരെ പ്രതികരിച്ച താങ്കള്ക് എതിരെ നിയനടപടി എന്ന ഭീഷനിയും മുഴക്കാം. എന്ത്യേ? പറ്റൂലെ?

ഒരു ക്ഷമ ചോദിക്കല്‍ കൊണ്ടോ ഭീഷണി കൊണ്ടോ കൈ കഴുകാവുന്ന തോനിവാസം അല്ല ഈ ചാനല്‍ വിളിച്ചു കൂവിയത്. ഇന്ത്യയുടെ ഭരണഘടന അനുവദിച്ചു തന്ന ജീവിക്കാനും ഇഷ്ട്ടമുള്ള മതത്തില്‍ വിശ്വസിക്കാനും അതു അനുസരിച്ചു ജീവിക്കാനും ഉള്ള അവാകഷതിന്മേല്‍ ഉള്ള കടന്നു കയറ്റവും ഒരു സമുധായാത്തെ വംശീയമായ അധിക്ഷേപവും ആണ് ഇന്ത്യവിഷം നടത്തിയത്. ക്രിസ്ത്യാനിയും ജൂധനും ഒന്നും ധരിക്കുന്ന പര്‍ദ്ദക്കുള്ളില്‍ ആര്‍ക്കും ചൂട് എടുക്കുന്നില്ലേ? അതിനുള്ളില്‍ ഒന്നും കയ്യിട്ടു വാരിയാല്‍ എന്തെ നിങ്ങളുടെ ടി അര്‍ പി കൂടില്ലേ? (അങ്ങിനെ ഒരിക്കലും ചെയാന്‍ പാടില്ല) അതോ മുസ്ലിം സ്ത്രീകളുടെ മെക്കിട്ട് കേറുന്നതാണോ ഒരു ഫാഷന്‍? (അതും മസ്ലിം നാമധാരിയായ ഒരു ശിഖണ്ടിയെ മുന്‍ നിര്‍ത്തി) ഇത്തരം മണ്ടത്തരങ്ങള്‍ വിളമ്പുന്ന ഫൌസിയയെ പുറത്താക്കി ഇന്ത്യവിഷം അതിന്റെ വര്‍ഗീയ അജണ്ട തിരുത്തുന്നത് വരെ ഈ ചാനെല്‍ ബഹിഷ്ക്കരിക്കേണ്ട കാലം അതിക്രമിചിരിക്കുവോ!?

കൂടെ വായിക്കേണ്ട പോസ്റ്റ്‌:

'മുട്ടി' നില്‍കുന്ന 'മലപ്പുറത്തെ ഗള്‍ഫ്‌ ഫൌസിയ' മാര്‍!

(മുകൂര്‍ ജാമ്യം: ഞമ്മള് മേലെ പറഞ്ഞത് ഞമ്മളെ ഐപ്രായം ആണ്. ഇഞ്ഞു അതുംകേട്ട് ഇങ്ങള് ഇന്ത്യവിഷന്‍ കാണാത്തെയ്നു ഓല് കേസ് കൊട്ത്താല്‍ ഞമ്മള് എല്ക്കൂലട്ടോ! പറഞീല്ലാണ് മാണ്ട!!)

'മുട്ടി' നില്‍കുന്ന 'മലപ്പുറത്തെ ഗള്‍ഫ്‌ ഫൌസിയ' മാര്‍!

 

Noble Laureate, Tawakul Karman responds to Hijab, When asked about her Hijab By Journalists and how it is not proportionate with her level of intellect and education, she replied:

 

“Man in The early times was almost naked, and as his intellect evolved he started wearing clothes. What I am today and what I’m wearing represents the highest level of thought and civilization that man has achieved, and is not regressive. It’s the removal of clothes again that is regressive back to ancient TIMES.”

 

"മനുഷന്‍ അതിന്റെ ആദിമ കാലത്ത് ഏറെക്കുറെ നഗ്നനായിരുന്നു. അവന്റെ ബുദ്ധി, വികാസം പ്രാപിച്ചതോടെയാണ് ക്രമേണ അവന്‍ വസ്ത്രധാരണം തുടങ്ങിയത്. ഇന്ന് ഞാന്‍ ധരിച്ചിരിക്കുന്ന ഈ വേഷം മനുഷ്യര്‍ സ്വായത്തമാക്കിയ ഉയര്‍ന്ന ചിന്തയെയും സംസ്കാരത്തെയുമാണ് പ്രതിഫലിപ്പിക്കുന്നത് , അല്ലാതെ ഒരു തിരിച്ചു പോക്കിലെക്കല്ല. വസ്ത്രം ഉരിയുക എന്ന് പറഞ്ഞാല്‍ അത് പുരാതന  യുഗത്തിലെക്കുള്ള ഒരു തിരിച്ചു പോക്കായിരിക്കും."

                    മഞ്ഞപിത്തം ബാധിച്ചവന് എല്ലാം മഞ്ഞയായെ കാണൂ. അത് പോലെയാണ് ചിലര്‍. തന്നെ പോലെ എല്ലാ പെണ്ണുങ്ങളും എന്തിനോ മുട്ടി നല്‍കുന്നവര്‍ ആണെന്നാണ് അവരുടെ വിചാരം. ദൈവ വിശ്വാസം, സ്നേഹം, പരസ്പര വിശ്വാസം, മരണം, നരകം, സ്വര്‍ഗം തുടങ്ങിയ കാര്യങ്ങളില്‍ ഒന്നും അവര്ക് വിശ്വാസമില്ല. ജീവിതം എന്നാല്‍ കുറെ 'കോലിട്ടു ഇളക്കല്‍' ആണ് എന്ന് കരുതിയവരോട്, സത്യത്തില്‍ ജീവിതം എന്നത് സ്നേഹമാണ്, സേവനമാണ്, സമര്‍പ്പണമാണ്, ക്ഷമയാണ്. അതിനൊരു യോഗം വേണം, സംസ്കാര സമ്പന്നമായ കുടുമ്പത്തില്‍ ജനിക്കണം!

ഗള്‍ഫുകാരന്‍ തന്റെ ഭാര്യയെ വീട്ടിലാക്കി ഇങ്ങോട്ട് വണ്ടി കയറിയത് ഇവിടെ വേറെ പെണ്ണ് കെട്ടി ജീവിക്കാനല്ല. രാത്രിയില്‍ പബ്ബുകളിലും വേശ്യാലയങ്ങളിലും കഴിച്ചു കൂട്ടാനുമല്ല. അവന്റെ ജീവിത പ്രാരാബ്ധവും കടപ്പാടുകളും അര്‍പ്പണ മനോഭാവവുമാണ്‌ അവനെ ഈ മരുഭൂമിയില്‍ എത്തിച്ചത്. മെഴുകു തിരി പോലെ സ്വന്തം ജീവിതവും സ്വപനങ്ങളും വികാരങ്ങളും ഉരുക്കി അവന്‍ മറ്റുള്ളവര്ക്കും നാടിന്നും വേണ്ടി ജീവിച്ച്ക്കുന്നു. ഇന്ന് കേരളത്തിലെ എല്ലാ വ്യക്തിയും ഒരു നിലക്കല്ലെങ്കില്‍ മറ്റൊരു നിലക്ക് ഗുല്ഫുകാരെന്റെ പണത്തിന്റെ പങ്കു പറ്റുന്നവരാണ്.  ഇവിടെ ജോലി ചെയ്യുന്ന ഭൂരി ഭാഗം ഗള്‍ഫുകാരനും തന്റെ കുടുംബത്തെ കൂടെ നിര്‍ത്താനുള്ള സാമ്പത്തിക ശേഷി ഇല്ലാത്തവര്‍ ആയതു കൊണ്ട് മാത്രമാണ് അവരുടെ ഭാര്യമാന്ര്‍ നാട്ടില്‍ വിധവകളെ പോലെ കഴിയേണ്ടി വന്നത്.അത് അവന്‍ തിരഞ്ഞെടുത്തതല്ല. അവന്റെ വിധിയാണ്!

ഒരു കൂട്ടം ചെന്നായ കളുടെയും  മിസ്സ്‌ കൊളുകാരുടെയും  കണ്ണ് കൊണ്ടും നാവു കൊണ്ടും വ്യഭിജരിക്കുന്നവരുടെയും ഇടയില്‍ ഗള്‍ഫുകാരന്റെ ഭാര്യമാര്‍ പിടിച്ചു നില്കുന്നത് സ്നേഹത്തിന്റെയും, ദൈവ വിശ്വാസത്തിന്റെയും, പരലോക ചിന്തയുടെയും, സാമൂഹിക മൂല്യങ്ങളുടെയും  ഒക്കെ ബലത്തിലാണ് (ചില ഉദാഹരണങ്ങള്‍ വഴി പിഴച്ചവരുടെതും ഉണ്ടെങ്കിലും). അവള്‍ പര്ദ്ധ ധരിക്കുന്നത് അവള്‍ അതിനുള്ളില്‍ സുരക്ഷിതയാണ് എന്ന വിശ്വാസമുള്ളത് കൊണ്ടാണ്. "ഭർത്താക്കന്മാർ ഗൾഫിലുള്ള ഭാര്യമാർ തങ്ങളുടെ ദുരവസ്ഥയെ മറികടക്കാൻ ശ്രമിക്കുന്നതിന് പകരം പ്രാകൃതമായ പർദ്ദ കൊണ്ട് അതിനെ മൂടിവെക്കാൻ ശ്രമിക്കുന്നു" എന്നാണ് ഫൌസിയയുടെ മഹാ കണ്ടു പിടുത്തം! ഈ ദുരവസ്ഥ മറി കടക്കാന്‍ അവര്‍ ഇനി എന്ത് ചെയ്യണം എന്നാണു ഫൌസിയ പറയുന്നത്? പര്‍ദ്ദയും മാന്യമായ വസ്ത്രങ്ങളും ഒക്കെ എറിഞ്ഞു തെരുവിലെക്കോ വേശ്യാലയങ്ങളിലെക്കോ ഇറങ്ങി പോകണോ?? അതോ സമൂഹത്തിലെ  ചെന്നായ കൂട്ടങ്ങള്‍ക് അന്തിയുരങ്ങാനുള്ള സത്രമാക്കി അവളുടെ വീട് മാറ്റണോ?? അവര്‍ മാന്യമായി തന്റെ ഭര്‍ത്താവിനെയും കുടുംബത്തെയും സമൂഹത്തെയും വഞ്ചിക്കാതെ ജീവിക്കുന്നതില്‍ ആര്‍ക്കാണിത്ര മനപ്രയാസം??

 

ലോകത്ത് അമൂല്യമായ എന്തും ഒരു കവചത്തിന് ഉള്ളിലാണ് സംരക്ഷിക്കപ്പെട്ടിട്ടുള്ളത്. വജ്രവും രത്നവും, സ്വര്‍ണ്ണവും എല്ലാം. അതില്ലെങ്കില്‍ കള്ളന്മാര്‍ അടിച്ചു കൊണ്ട് പോകും എന്ന് തീര്‍ച്ച. ഇസ്ലാമിക വീക്ഷണത്തില്‍ ലോകത്ത് ഏറ്റവും അമൂല്യമായ സ്വത്തു സ്ത്രീ തന്നെയാണ്. അവള്‍ അമ്മയാണ്, മകളാണ്, ഭാര്യയാണ്, സഹോദരിയാണ്. ആ അമൂല്യ രത്നവും സംരക്ഷിക്കപ്പെടെണ്ടാതാണ്. പര്‍ദ്ദ എന്ന വാകിന്റെ അര്‍ഥം 'മറ' എന്നാണ്. കറുത്ത നിറത്തില്‍ ഇന്ന് കാണുന്ന രീതിയില്‍ ഉള്ള വസ്ത്രം  മാത്രമേ ധരിക്കാവൂ എന്ന് ഇസ്ലാം സ്ത്രീകളോട് പറഞ്ഞിട്ടില്ല. പക്ഷെ തന്റെ തൊലിയും ശരീരത്തിന്റെ അംഗ ലാവന്യവും പുറത്തു കാണാത്ത തരത്തിലുള്ള വസ്ത്രം ധരിക്കുക. അതാണ്‌ പര്‍ദ്ദ. ഇന്നത്തെ രീതിയിലുള്ള കറുത്ത വസ്ത്രം അത് ഒരു അറേബ്യന്‍ സംസ്കാരത്തിന്റെ ഭാഗമാണ്. വസ്ത്രം കറുത്തതോ വെളുത്തതോ എന്തെങ്കിലും  ആകട്ടെ, പക്ഷെ ശരീരവും അംഗ ലാവ്ന്യവും മറഞ്ഞാല്‍ മതി. ജാതി മത ഭേത മന്യേ എല്ലാവരും അംഗീകരിച്ച ഒരു കാര്യമാണ് സ്ത്രീ മാന്യമായി വസ്ത്രം ധരിക്കണം എന്നത്.  തന്റെ ശരീരം മറച്ചു സ്ത്രീ നടക്കുന്നത് ആര്‍ക്കാണ് അത്ര പിടിക്കാത്തത്? അതൊരു തരം ഞരമ്പ് രോഗമല്ലേ?? കിട്ടാത്ത മുന്തിരി പുളിക്കുന്ന തരത്തിലുള്ള ഒരു രോഗം! സ്ത്രീ നഗ്നതയ്ക്ക് വേണ്ടി ശബ്ദ്ധിക്കുന്ന ഇക്കൂട്ടരുടെ സ്വന്തം ഭാര്യയുടെയും വീട്ടുകാരുടെയും ഒക്കെ വസ്ത്ര ധാരണ കണ്ടിട്ടുണ്ടോ? അത് സാമാന്യം തൊലിയും വടിവും മറച്ചതായിരിക്കും. അപ്പോള്‍ അവര്‍ക്ക് കാര്യം അറിയാം പക്ഷെ കപട സദാചാരം നടിക്കുന്നതാണ് ഞരമ്പ് രോഗത്തിന് നല്ലത്, അല്ലെ??  തട്ടം ഊരി, കഴുത്ത് ഇറക്കി, കയ്യ് മുറിച്ചു, ഊരയും ചന്തിയും കീറി വസ്ത്രം ധരിക്കുംബോഴാനു ആള് സംസ്കാര സ്മ്പന്നയാകുന്നത്...യു ഫെല്ലോ കണ്ട്രി പീപ്പിള്‍....യാഥാസ്ഥിതികന്‍, പിന്തിരിപ്പന്‍? ഇപ്പോള്‍ TRP യുടെ അളവുകോല്‍ മുസ്ലിം വിരോധവും സ്ത്രീയുടെ തൊലിയുമാണ് എന്നറിയില്ലേ??

ചിലര്‍ക് വലുത് പണമാണ്. അവള്‍ ജോലി ചെയ്യുന്ന സ്ഥാപനത്തില്‍ മുസ്ലിംകളെ തെറി പറയുന്നതാണ് സംസ്കാരം, അതിന്നാണ് ക്രെടിടും അവാര്‍ഡും. അപ്പോഴേ ചില്ലി കാശ് കൂടുതല്‍ കിട്ടൂ. കുറച്ചു പണം കൂടുതല്‍ കൊടുത്താല്‍ സ്വന്തം ശരീരവും അമ്മയെയും കുഞ്ഞിനേയും  വരെ കാഴ്ച്ചവെക്കുന്നവരാണ് ഇന്ന് സമൂഹത്തില്‍ പലരും. പിന്നെയല്ലേ  മതവും വിശ്വാസവും എല്ലാം? തന്നെ പോലെ ചിന്തിക്കുന്നവരാണ് എല്ലാ ഗള്‍ഫു ഭാര്യമാരും എന്ന് ധരിക്കാന്‍ മാത്രം ഒരു വിഡ്ഢിയെ ആണോ ചാനലുകള്‍ പണിക്കു വെച്ചത്?? അതോ അങ്ങിനെ ഒക്കെ ചിന്തിക്കുന്നവരെ ആണോ  അവര്‍ക്കാവശ്യം???

കാര്യം എന്തായാലും ശരി, തന്റെ ശരീരം മറക്കുന്നതാണ് സംസ്കാരം. അത് കാണിച്ചു നടക്കുന്നത് സംസ്കാര ശൂന്യവും പ്രാക്രുതവുമാണ്. പര്‍ദ്ദ യിലാണ് തന്റെ സുരക്ഷ എന്ന് സ്വയംവിശ്വസിക്കുകയും അതനുസരിച്ച് ജീവിക്കുകയും ചെയ്യ്ന്നവരുടെ പര്‍ദ്ദ യുടെ ഉള്ളില്‍ കയ്യിട്ടുവാരി ആരും ടി ആര്‍ പി കൂട്ടണ്ട, ആ പരിപ്പ് ഇവിടെ വേവില്ല, അതിനു വെച്ച വെള്ളം അങ്ങ് വാങ്ങി വെചെക്കൂ..............

കൂടെ വായിക്കേണ്ട പോസ്റ്റ്‌: ഫൌസിയയുടെ 'പ്രതിസന്ധി' യും ബഷീക്കാന്റെ ക്ഷമാപണം അഥവാ ഭീഷണിയും!?